Angguen disiocho yu’, estudianten Siñot Adriano Pangelinan yu’ gi Unibetsedåt Guahan gi 1988 na sakkan.
Unu na klas ma atende yu’, lao ti maleffa hafa hu susedi gi tiempo.
Hoben yu’ gi klas yan ti hu gof komprende si Siñot Pangelinan. Banidosu yu’ ginen na tiempo yan buente hu hasso na esta hu tungo’ todu.
Lao si Siñot Pangelinan, chumagi meggai na biahi na patte nuebu na hinasson pentot para guahu.
Hu hasso unu na pinenta hånom hu cho’cho’gue. Ha tago yu’ si Siñot para chagi ta’lo buente dies na biahi. Kada pinenta, ilek-ña otro, i kulot siha ti manmaolek, i liña siha ti homhom, i siñente ti atdet, yan otro siha.
Bei sangani hao, lalålo’ yu’ sa’ ti tungo’ hafa malago-ña si Siñot.
Pues, esta para dingu yu’ i assignment. Hu pinenta masea hafa, esta ti malago yu’ chagi, lao taya pinenta otro para na’i’ si Siñot. Ti apmam na hu chogue i uttimo na pinenta.
Sabidios! Gof ya-ña i uttimo na pinenta-ku si Siñot.
Taya hinasso anggen pepenta i uttimo. Chaddek yu’ monhåyan. Hu chuda’i todu klasen penta gi påppet. yan enao gof ya-ña.
Hu hasso pago na ha chachagi si Siñot taimanu fa’nå’gue este i hoben na pentot na guaha meggai sopbla para eyak.
Si Yu’os Ma’ase Siñot Pangelinan.
I uttimo na pinenta-ku gi sanhilo gi este na estoria.
