Rinikohen Tiningo’ yan Sinangan Siha

I Kumision i Fino’ Chamoru ma fa’tinas nuebu na lepblo para i fino’-ta.  I na’an-ña, Rinikohen Tiningo’ yan Sinangan Siha.

Gi halom gi lepblo, guaha sinangan siha para i Hinengge, i Inagang yan i Kostumbre siha.

Guaha estoria pot kada sinangan.  Guaha estoria para i sinangan “chile’guagua’”.  Anggen patgon yu’ i saina-ta ma agang yu’ este anggen manpeska ham.  Guahu ha’ chumule yan mateni i guihan siha.

Guaha estoria para i sinangan i “oba skoba”.  Humasso yu’ si Difunto as Jesus Cruz “CHamoru” Charfauros na u’u’sa todu biahi gi prugram-ña Chamorro gi radiu.  I tata-hu ya-ña sumangan i “oba skoba” anggen malago gui’ na’chalek.

Pues, tumaitai i nuebu na lepblo pot fabot sa guaha meggai na sinangan yan nihi ta chonnek mo’na i lengguåhi-ta, kottura-ta yan i historia-ta.  Biba!

Estague i lepblo gi PDF. Siña dumownload guini:

Anggen malago bisita i website I Kumision i Fino’ Chamoru, hanao guini

https://kumisionchamoru.guam.gov/guinaha-resources/ginen-i-hila-i-ma%C3%B1aina-ta-rinikohen-tiningo-yan-sinangan-siha-chamoru-cultural

Guaha otro link para i lepblo gi PDF yan guaha bidio para egga’.