Månnge’ i gollai åppan suni!
Siempre ma usa gollai spinach lao mafa’na’an gollai suni. Taya hu chagi i gollai suni. Sa’ hafa? Kao guaguan i gollai suni?
Siempre guaha gollai åppan suni gi fiesta. Lao ti ya-hu i gollai appan suni anggen patgon yan hoben yu’. Hu li’e’ i mañaina yan i manamko’ ha’ na chumocho i gollai åppan suni yan siempre i famalao’an ha’.
La’amko’ yu’ pago yan malago fa’tinas nengkanno’ Chamoru anggen guaha gipot familia. Libianu na fa’tinas i golla åppan suni yan ya-hu kanno’.
Hu esphia hafa åppan. Parehu yan ångglo’. Lao hu hasso’ tatte, ti gof ångglo’ i golla åppan suni gi fiesta.
Hu hasso’ sa’ hafa kulot kahet pot kulot amariyu i gollai appan suni. Pago, hu tungo’ siempre ma na’i mango’.
Pues yanngen hu fa’tinas pago, ti gof åppan i yo-ku golla åppan suni. Hu na’i mango’ yan lichen niyok yan hu usa spinach. Maolek ha’ sa’ enao na fina’tinas na’hasso’ tatte anggen patgon yu’ giya Guahan.
