Håfa adai todos hamyo’! Si Profesot Pugua’ yu’, ya’ i guinifi’-hu na’tuge i lepblo pot todu Pokémon siha gi fino’ Chamorro.
Ginen i otro na mes – meggai mes siha – hu tuge’ pot #173, #35, yan si #36. Gi simana este, hu hungok ginen si Emfetmera Joy pot tres na Pokémon siha – hun “kulot rosa i manggapotulu-ñiha, yan i tres guaha iyon-ñiha i ‘pichun tiyan’ yan lokkue yommok todu siha”. I saina guaha iyo-ña dos na mulatta gi gapotulu-ña, siña un li’e’ i adamelong na a’paka’ acho’ gi nene’ lao i sottera yan saina guaha iyon-ñiha mañada’ minagahet.
Lokkue’ ilek-ña siña hu sodda’ i tres gi fi’on espitåt, yan un ratu…
Biba! Hu sodda’ i tres ginen i familia este! Para bai hu tuge’ gi lepblo-ku i familian Pokemon siha:
- Magofnene’ (g.f.Ing. Happiny, ginen “Magof” yan “nene'”)
Linekka’: 0.6 m
Libra (SI): 24.4 kg
Klasen Unu: Regulåt (Normal-type)
Abilidåt Unu: Åmot Naturåt (Natural Cure)
Abilidåt Dos: Ginefsaga’ Grasia (Serene Grace)
Abilidåt Sekreto: Difensa Atungo’ (Friend Guard)
Sen ya-ña adamelong na a’paka’ hinafa siha. Ha alayi unu na acho’ kalan chada’ sa’ ha eyak si Chansa’. Ha alayi i acho’ gi pichun tiyan, yan sesso ha na’I i acho’ para i manatungo’ siha. Sesso atborotu gue’ sa’ i mulata-ña. Siña ha pasehu gi fi’on-ñiha mampates siha, yan na’basnak siha. Komu ha ya-ña taotao, sesso ha na’i i acho’ para i taotao. Sen dikike’ gue’ sa’ i rason ti siña mañada’ gue’. I kuentayi manaligao’ gue’ adamelong na a’paka’ acho’ siha. Sesso’ mafama gue’, lao anggen un sakke’ i adamelong na a’paka’ acho’-ña, para u ha gagak kalan kakte yan umessalao’ gut’ pot bida’-mu. Anggen makkat i adamelong na a’paka’ na acho’ gi pichun tiyan-ña, ti siña kumalamten gue’. Sesso’ ha hugando yan famagu’on i hugando “Gima” yan todu i famagu’on.
- Chansa’ (g.f.Ing. Chansey, ginen “Chansa”)
Linekka’: 1.1 m
Libra (SI): 34.6 kg
Klasen Unu: Regulåt (Normal-type)
Abilidåt Unu: Åmot Naturåt (Natural Cure)
Abilidåt Dos: Ginefsaga’ Grasia (Serene Grace)
Abilidåt Sekreto: Suruhana (Healer)
Hassan yan ineskapa na Pokémon hun chule’ Minagof para i taotao siña un tuchu gue’. Måñaña’ yan mames na Pokémon ya sesso ha na’i i alimentosu mañada’ para otro ha li’e’ I mandañao’. Kada dia mañada gue’ yan alimentosu siha. Anggen un guaiya yan adahi gue’, la’alimentosu i mañada-ña siha. Mamokkat gue’ yan adahi sa’ ha a layi i chada yan ti malago’-na mayamak chada’. Lao, sen chaddek i malagu-ña. Sen mangge’ i mañada’ siña maño’cho’ siha annai ti haspok siha. I mañada’-ña guaguan. Gi otro na tiempo despasio i malagu-ña, lao i mañada’-ña pa’go lachaddek i malagu-ña. Hun “diliba minagof para todu”. Sa’ indothensia gue’, ha na’i i mañada’-ña para i mandaño’. Ti siña ha na’i i mañada’-ña para i mambåba yan na’ma’a’ñao’ gi mangkorason-ñiha. Sesso un hungok pot mañada’-ña “maneyak i manmediku”.
- Mina’cha’ (g.f.Ing. Blissey, ginen “Minagof” yan “chada'”)
Linekka’: 1.5 m
Libra (SI): 46.8 kg
Klasen Unu: Regulåt (Normal-type)
Abilidåt Unu: Åmot Naturåt (Natural Cure)
Abilidåt Dos: Ginefsaga’ Grasia (Serene Grace)
Abilidåt Sekreto: Suruhana (Healer)
Annai un akka’ chada’-ña as Mina’cha, siña umindothensia yan umagradapble hao para todu. Guaha iyo-ña indothensia gi korason-ña. Anggen ha li’e’ I mandañao’, para ha homlo’ I mandañao’ asta ki brabu siha. Annai un akka’ i alimentosu na chada’ as Mina’cha’, muñangñang hao yan minagof. Si Mina’cha’ siña ha siente triniste yan i saku gapotulu-ña. Annai ha usa’ ayu i saku gapotulu-ña, este na Pokémon para ha falagu gi fi’on as Triniste yan diliba i “Minagof Mañada’-ña” ya siña muñangñang para todu. Este na Pokémon ha diliba minagof para todu! Hun akka’ i chada’ mumames gue’ para todu. Lokkue’ si Manai’åse’ para u ma indothensia siha sa’ manakka’ mañada’-ña. Gi tenda, sen guaguan i mañada’ sa’ “Mañuette’ Mañada'” siha. Anggen si Chansa’ guaha iyo-ña i tahdong na siniente siña ha mama’nuebu (evolve), ilek-ñiha. Todu i mañada’-ña mañada’ gue’ para ha chule’ maolek na fortuna para todu ma akka’ i mañada’-ña.
Adios! Para bai hu sodda’ otro na Pokémon siha, yan pon usa i sakman-hu!”
