(Every week or so the Guam Museum will be sharing something in the Chamoru language about history or culture in the Marianas. This week, we’ll learn a version of the legend of the I Yi’os Tåsi or the God of the Sea)
Un tiempo ma bendesi iya Guåhan ni’ yi’os i tasi i dumirihi i tasi para u fan såfu yan felis gi finatton-ñiha. I yi’os i tasi a’annok maseha håfa na fotmasion para nisisita para u fan såfu i batko i finatto-ñiha gi tano’.
Guaha na biåhi a’annok guafen bola, gininiha i batko gi hinanåo-ña. Sumåfu i batko hinalom-ña gi puetto Åpia’. I kapitan gi batko manhongge gi bensidion ginen yu’os i tasi.
Un diha i batko lumalayak gi uriyan Guåhan, måtto un dångkolon mattiempo ya iniriyåyi i batko ya guinaifi huyong gi chaochåo tåsi. I batko umafakcha’ yan i mattiempo ya ti åpmam malingu. I batko hinasa pues tåya gi unu gi taotåo båtko tumungo’ månu na manggaige.
I yi’os i tasi ha usa i guafen bola para u giniha mo’na i batko para i puetton i batko.
På’go na tiempo i kapitan i batko manhongge gi yi’os i tasi ya guiya todu tiempo annai u fan sasåfu mo’na gi hinanåo-ñiha.
