(Each week the Guam Museum will post something new in our native language, sharing the history of Guam. This week we’ll learn about some of the history of the Guam Congress Building in Hagåtña.)
Gi tinituhon-ña, ma fa’na’an este i “Guma’ Kongresu.” På’go ma fa’na’an gui’ “Guma’ Liheslatura.”
Este na edifiso ha fa’nu’nu’i i tinilaika gi hestorian Guåhan, ko’lo’lo’ña put i direchon i taotao guini.
Gi primet singkuenta años gi papa’ i banderan Amerikånu, I militåt Amerikånu ma gubebetna i isla. Ti ma sedi i Chamoru sumaonao gi sisteman gbuetnamento gi mismo islan-ñiha.
Guihi na tiempo, guaha noskuantos grånon Chamoru manma’ayek para u fañaonao gi gubetnamenton i isla. Lao mangonselio ha’, tåya’ podet-ñiha.
I Chamoru siha, ti yan-ñiha este, ya meggai ginaggao ma tugiyi i gobetnamenton Amerikånu para u ma tulaika este na taihusitisa na sistema.
En fin gi 1950 i Estådos Unidos ha passa i Organic Act para Guåhan. Este na lai huchom i tiempon militåt giya Guåhan, ya ha guahåyi i taotao i isla ni’ gobetnamenton sibit, pi’ot un liheslatura.
I Liheslaturan Guåhan i patte gi gubetnamenton Guåhan ni’ mama’titinas lai para i komunidåt. Sigun i Organc Act, ti siña mås ki bente uno na membro gi Liheslatura. Annai matutuhon gui’ gi 1950, guaha bente uno na membro. Gi 1996, i Liheslatura ha na’menggua i numeron i membro-ña asta 15.
I senådot yan senådora para i Liheslaturan manmaililihi kada dos såkkan.
![](https://isakman.com/wp-content/uploads/2022/04/635687881761197460-Legislature-04-1024x818.jpg)