(Every week or so the Guam Museum will be sharing something in the CHamoru language about our history, culture and folklore. This week we are sharing information on the CHamoru value of chenchule’.)
Chenchule’ kumekeilekña nina’i para ayudu gi maseha håfa na cho’cho’ familia.
Siña ha’ mana’enñaihon salåpe’ pat efektos yanggen guaha gupot nobena, fandanggo, måtai, bautismu, showern nobia pat showern påtgon yan yanggen guaha makompliåñios.
Gof ayudu på’go na tiempo este i kostumbren CHamoru ni’ chenchule’, pi’ot ha’ sa’ gof guaguan siha i bentan nengkånno’ gi tenda.
Yanggen guaha måtai gi familia, meggai na tåya’ plånu ya ti mampriparao i familia para i manadan gåsto.
Mangof guaguan lokkue’ i ata’ut yan i para ma’entieru.
Guaha nai kahulo’ ha’ i gåsto gi tres pat kuatro mit pesos.
Ti opbligao i familia na para u fanna’chocho, lao kostumbren CHamoru na para ma’agradesi i finatton i taotao gi che’cho’-ñiha.
Guaha lokkue’ meggai na familia ginen i chago’ para u fanmanayuda ya nisisario na u
mana’fañocho.
Tenga manmasångan i CHamoru na ga’manggupot, lao gof meggai na ayudu ginen i familia, atungo’ yan i bisinu ya ti gogof meggai gasto-ñiha i gumugupot.
