Buenas yan Hafa Adai todus hamyu!
Biba Mes Chamoru!
Nuebu na sakkan, nuebu na Mes Chamoru.
Este na sakkan i mina’tres na Mes Chamoru para I Sakman. Si Yu’os Ma’ase para todus hamyu na mambisisita I Sakman yan manggogosa i tinige’ siha guini.
Bai in chagi nuebu na kosas este na Mes Chamoru.
Kao malago tuge’ estoria pot poema gi fino’-ta?
Anggen hunggan, pot fabot pega i tinige’-mu* gi I Sakman gi este na Mes Chamoru.
Kada biahi na pega i tinige’-mu* gi I Sakman, bai in pega i na’an-mu gi tuhong I Sakman yan kada simana gi este Mes Chamoru, bai in ayek unu na na’an gi tuhong yan bai in na’i regalu para guiya.
Bai in na’i i fine’nana na regalu gi Damenggo diha 10 gi Måtso.
Pot fabot, bisita I Sakman kada diha gi este na Mes Chamoru yan gosa todu na estoria siha.
Anggen ti hita, pues hayi?
Si Yu’os Ma’ase yan Biba Mes Chamoru!
*Areklamento siha
I Grupon I Sakman bai ma aprueba i tinige’ siha yan bai ma po’lu gi website.
