Este na lepblo poema guinen as defunton Frederick B. Quinene (Papa Fred), tihu-hu. U hahasso anai patgon yu, sigi ha tuge’ papa’ gi papet, lao ti-hu tunggu hafa na rason. I otro hu hasso, Ya-na kumatayi dos dilisyano gi fandangon-niha yan kintodu i familia gi entieru. Ha na maya i tinige-na yan I kinalamten i taotao. Untungu pago hafa na rason na sigi tumuge’ papa’ gi papet. – i lepblo ha sangan todu. I yo-na poema Punton Dos Amantes ma pega gi Two Lovers Point. Si defunton Gobietno Ricardo J. Bordallo ha proclama si Defunton Federick B. Quinene – Poema Laureate giya Guahan.
Ya-hu “I Kelaguen” na poema gi lepblo sa na hahasso yu nu i gipot familaku,
U ma’fatinas todu na klasen kelaguen – guihan, mannok, katnen guaka, binadu,
pat uhang. Maseha hafa na kelaguen, munnge todu!
Gof bunito esta na lepblo. Yanggen malagu un fahan esta na lepblo, gaige
gi UOG Book Store, Best Seller Book Store yan Amazon.
Dangkalu na Si Yu’os Ma’asse’ para i familia as Papa Fred sa
man na’i ham petmisu para ta appatte esta na buniton poema.
Este gui i poema
“I Kelaguen”
I Kelaguen gof månnge’
Maseha håfa nai na klåse,
I kelaguen gi tano’
Pat I kelaguen gi I tasi.
Ma guaiya I kadon mannok
Yangen ayu maparåda
Lao ai kelaguen ha’ I mannok
Ya ti u nahong gi sintåda
I katnen guaka lokkue’ månnge’
Piot I flank steak nai na klåse
Maseha håfa nai na tiempo
Pat fa’chesa ti un lachi.
Ya otro ni ti u lachi
Giya Guam pa I sanlagu
Ai chagi afañelos
I kelaguen binådu
Ya I kelaguen bai sågan
Ni maguaita ni manånghet
I lagua pat atuhong
Ai mansen månnge’ magåhet.
Ya I’e’ pat I ti’åo ta’lo
I kichu pat I iyok
Kelaguen ya un na’danña’
Yan I kinanmyon I niyok.
Ilekñiha mahetok nai gåmson
Lao tinaktak yaun na’danña’
Lao tinaktak ya un limon
Pat titiyas pat I suni
Lao ha sågan nai si nåna
Yan I asaguå-hu si Chilang
Na mås månnge’ kinu håfa
Na I kelaguen uhang
Yan tåya’ ni este siha
Ya ai manñålang ham,
En kelaguen sen chaddek
I good ole U.S Spam.
Ai adai, gof ya-hu esti, sen mames yan na’chalek. Gof ya-hu lokkue i bos siha.
Gof ya-hu i poema lokkue. Guaha otro siha na poema ginen i lepblo-ña as Uncle Fred. Ti hu sodda’ i lepblo-ña gi i website UOG Press. Hinasso-ko na enao na website hu fahan. Ai adai. Lao guaha otro poema gi lepblo, i na’an-ña Diosti Ayudi. Gof ya-hu sa’ ha sangan i na buente ma’pos i kuttura anggen ma’pos i mannginge’.