Gi Måtso i tinituhon Mes Chamoru, pat mafana’an Pulan Chamoru lokkue’. Pues guaha meggai na inetnon kutturat siha durånten este na mes.
Må’pos na finakpo’ simåna hu konne’ i entinadu-hu si Sumåhi gi un “workshop” mwaar.
Maloffan ham i boniton ogga’an gi ichan mamå’titinas mwaar yan todu nåtibu na flores yan tinanom siha.
Pinat boniton flores ni’ machule’ ginen i grupu. Lao in nå’ye gi hento otro na flores lokkue’ ni’ in tifi’ gi oriyån-måmi i paseo.
Este na dinanña’ mafotma as Micronesia Climate Alliance yan i dueñu i tendan Numa’lo Refillery.
