Este i lepblon Peter Onedera.
Hu fahan i lepblon Chamorro para hu eyak fino’-ta. Hu espiha amanu nai ma bebendi lepblo siha gi Internet. Guaha lepblo gi i Guam Bus, i Guampedia yan i UOG.
Hu aliligao i lepblo na tinige gi fino’-ta. Ti hu tungo’ kao mappot na taitai pot kao na’chalek anggen hu fumahan i lepblo siha. Lao malago yu’ suportta i taotao siha yan taitai estoria gi fino’-ta.
I lepblon Pedro Onedera, guaha mappot nai taitai yan guaha na’chalek yan otro na klasen estoria siha. Guaha na didike na poema na’chalek yan hu komprende. Gof magof yu’ anai hu tumaitai. Yan bula’ na poema na mappot yan duru yu’ na aligao hafa ke’sasangan. Lao maolek ha’ sa’ hu chochonek i hinasso-hu gi fino’-ta.
Bai hu taitaitai este na lepblon Siñot Onedera sa’ guaha poema ti hu taitai yan guaha gof ya-hu yan hu gosa kada tumaitai.
Anggen malago hao fahan i lepblon Siñot Onedera, hanao gi UOG Press.
Hafa hinasso-mu?
Un na malagu yu fumahan i lepblun Siñot Onedera. Put fin hagas hu tungu si Siñot disdi annai umeskuekuela yu giya GW (1977-1979) ya tot tiempo yangin man li’i yu tinigeña gi news i gima Yu’us pat i PDN… hana mahahalang yu mas para i tanota, i kuturata, i linguahita, i hiningeta, lo i mas minahalang-hu i inafamaolek entre todo! Biba mes Chamorro!
Gof ya-hu todu bidada-ña si Siñot Onedera para i fino’-ta. Si Yu’os Ma’ase para apapatte i hinasso-mu. Biba Mes Chamorro!
Kao siña ta sodda’ i lepblo-ña gi Amazon lokkue’? Gof ya-hu lokkue’ este na website – na’lå’la’!
Buenas Jennifer. Hu espiha gi Amazon yan hu sodda’. chagi este na URL: https://www.amazon.com/Taimanu-na-Ini-Peter-Onedera/dp/1935198440
Si Yu’os Ma’ase para finaisen-mu yan bisita-mu.