Sputnik Sweetheart
Ginen as Haruki Murakami
Este na estoria ginen inatan-ña (perspective) si K (ti ma sangåni ham i mismo na’ån-ña), un hoben na ma’estro.
Lao i estoria mismo put si Sumire, i atungo’-ña si K.
Si K ha guaiya si Sumire, lao si Sumire ti ha guaiya gui tåtte.
Si Sumire ha guaiya un palao’an 17 años amko’ña kinu guiya, un Koreåna, i na’ån-ña si Miu.
Este i finetna na biahi na mangguaiya gui’ nu otro na taotao.
Si Mui ha nå’i si Sumire nuebu na cho’cho’ (malago’ si Sumire tumuge’ lepblo siha lao tåya’ nai ha na’funhåyan un lepblo).
På’go guaha nuebu na gima’-ña yan magagu-ña lao nina’yi gui’ ni writers block lokkue’.
Humånao si Sumire yan si Mui para Uropa para i che’cho’-ñiha.
Si Sumire ha na’hanogue si K katta siha ginen Uropa yan ha sangåni gui’ na po hånao para Greece yan si Mui para un bakasion.
Para un åpmam na tiempo, si Sumire ti ha oppe I telefon-ña.
Uno na diha, inagang si K as Mui yan ha na’tungo’ gui’ na taigue si Sumire yan ti ha tungo’ mångge gui’.
Humånao si K para Greece yan si Mui ha sangåni gui’ put håfa ma susedi åntes di abak si Sumire.
Si Sumire ha ke chiku si Mui lao ti siña ha cho’gue tåtte.
Nina’triste si Sumire yan taigue gui’ gi egga’an.
Hinasso-ña si Mui na buente ha puno’ maisa gui’.
Si K ha lilikuyi i isla lao ti siña ha sodda’ si Sumire.
Ha hasso na buente guaha tinige’-ña si Sumire put mångge gui.
Ha sodda’ i kumputa-ña yan gaige dos na dokumento guihi.
Uno put si nanå-ña håyi måtai anai hoben si Sumire.
I otro put si Mui yan un estoria na ha sangåni si Sumire put sa’ håfa kalang dos na taotao gui’.
Mappot para bai hu eksplika. Lao ginen i dos estoria siha si K ha hasso na buente humålom si Sumire gi un otro “parallel” na mundo.
I dos ti siña ma sodda’ si Sumure gi finakpo’ yan si K ha bira tåtte para Happon.
Ti ha li’e’ si Mui ta’lo yan tåya’ infotmasion put si Sumire.
Lao uno na puengi inagang gui’ yan ha hungok i bos-ña si Sumire.
Ha sangåni gui na ha å’agang gui’ ginen i parehu na phone booth gi fi’on i gima’-ña.
Ha faisen gui anggen siña ha tåggam gui’.
