Kao guaha sagan gumimen chå na u’u’sa amot Chamorro?

Hu e’egga’ prugrama chå yan hu hasso kao guaha sagan chå Chamorro yan este na sagan chå, kao ma u’u’sa amot Chamorro?  Kao guaha giya Guahan pot i NMI?

Kada diha, meggai na taotao gi todu na lugat mangigimen chå.  Lao i cha, i chå sanlagu.

Kao guaha amot Chamorro na maolek na gumimen chå?

Anggen hu e’gga i prugraman chå, ilek-ña finenena i chå, i chå amot. Lao pago, kulan gimen ha’.

Malago yu’ para fa’tinas este na sagan gumimen.  Lao kao maolek i na’an-ña?  Buente Guma’ Chå mås maolek?

Gi hålom i sagan chå, guaha suruhanu na fa’titinas amot Chamorro yan chå Chamorro. Bai hu u’sa fino’-ta gi “menu” yan anggen kuentusi yan i taotao siha na bisita.

Bai hu pega i amot tinanom siha gi halom sagan chå. Bai hu tuge’ i na’an-ña i amot yan hafa mås maolek na ayuda anggen gumimen.

Hafa i hinasson-mu nu este?

Umali’e i litratun amot gi sagan ice cream giya Guahan. Magof yu’ na hu li’e enao na litratu.

Related Posts

One thought on “Sagan Gumimen Chå

  1. Benny, maolek i hinasso-mu para un hatsa i sagan Gumimen Chå!
    Hu hasso annai mañågu-yu nu i låhi-hu, ma na’ gimen-yu chå. I chå ginen I flores rosa ni aggaga’ (hibiscus) ya mames. Despues ma na’ gimen-yu nu i amot para i manmañågu. Sen mala’et yan tásabot!
    Kalan maolek i planu-mu sa meggai na tinanum giya Guahan sina ha mausa para Chå. Esta, si Rose Brown

Leave a Reply

Your email address will not be published. Required fields are marked *