(Each week the Guam Museum will post something new in our native language, sharing the history of Guam. This week we’ll learn about the date of Magellan’s arrival in the Marianas and how the Chamorro people responded)
Gi diha 6 Måtso 1521, humålom Si Ferdinand Magellan yan i taotao-ña giya Humåtak. Hagas manabak gi tasi ya anai manmåtto, manmalångu yan manñålang. Manggeftao yan manyo’åse i taotao-ta ya manmanakudi komo manmannå’i nengkånno’ yan hånom. Lao annai ti manmana’i i mangguelo’-tatåtte agradesimento ginen i Españot, humuyong ta kahulo’gue i batkon-ñiha ya ta chule’ todu klasin lulok.
Manmahatme hit ni’ taotao Magellan. Masongge i gima’-ta siha, mayamak un sakman siha despues mapuno’ siette na Chamorro. Åntes di ha dingu hit Si Magellan, ha takpangi i isla komo “Isla de Los Ladrones.”
I hinanao-ta giya Asia muna’tungo’ hit hafa na presisu i lilok. Ginen este, numå’i hit chånsa para u guaha kometsio entre Hita yan todu båtkon estrångheru ni’ manhålom despues di Si Magellan.
