(Every week or so the Guam Museum will be sharing something in the CHamoru language about our history, culture and folklore. This week we’ll share some biography for Guam’s sixth appointed governor, Manuel Flores Guerrero).
Mafañågu si Manuel Flores Leon Guerrero gi diha bente singko di Oktubri mit nuebi sientos katotse giya Hagåtña, Guåhan.
Guiya i lahen Jose L.G. Leon Guerrero yan Maria Lujan Flores.
Natibon Guahan si tatå-ña yan lokkue’ membro gi musikon marinon Estådos Unidos.
Ma’eduka gi eskuelan Guåhan ya magraduha gi eskuelan sekondaria gi 1934.
Macho’cho’ kumu tentago’ i Gubietnon militat giya Guåhan gi 1930.
Sigi hulo’ gi eskalera asta ki måtto gi pusision atministrasion.
Umasagua yan si Delfina Tuncap taotao Hagatña.
Famagu’on-ñiha si Alfred, i difunta as Lolita Huxel, Rudolph Evelyna, Teresita, Manuel yan Patricia.
Annai mahatme Guåhan nu i Chapunes gi mina’dos na Geran i Tano’, ma ditiene un råtu ya mana’fan ayuda gi ma’estudian i fuetsan i taotao i tano’ put macho’cho’cho’.
Annai ma sotta, lumancheru para u sapotte i familia-ña gi duranten i tetehnan na Tiempon Chapones.
Despues di i gera, ma’ilihi gui’ para i primet na Liheslaturan Guåhan.
Mumembro gui’ ya guiya gume’hilu’i i Committee on Rules.
Ma’apunta si Manuel Flores Leon Guerrero komu Maga’lahen Guåhan as John F. Kennedy, Presidenten i Estådos Unidos.
Inapunta ta’lo as Presidenten Lyndon B. Johnson gi 1967.
Guiya i mina’sais na ma’apunta na Maga’låhen Guåhan.
Meggai bidå-ña para i tano’-ta gi tiempo-ña gi i mas takhilo’ na ofisina.
Uno, ma rekoknisa na guiya tumutuhon i ekonimihan biaheru para Guåhan, anai ha establesiyi i isla i Guam Tourism Commission.
Malågu gui’ para i ofisinan Maga’låhi gi 1970, lao mapedde’ gui’ gi botasion Primary.
Måtai si Maga’låhi Guerrero gi 1985.
