Gof ya-hu i karabao. Dångkolo yan metgot na gå’ga’. Gof impotanti na gå’ga’ gi guålo’ yan para må’udai gi karetan karabao.
Estorayi yu’ i biha-hu, i tiempo antes di gera, na må’udai gi karetan karabao para Hagåtña yan para i gipot fiesta gi otro songsong siha.
Hu chagi må’udai gi karabao anggen patgon yu’ giya Inalahan gi Lancho Antigu yan uriyan i sengsong gi fiestan San Jose. Hu hasso na gof dångkolo na gå’ga’. Kulan dinosaur.
