Ñangu yu’ dos na biahi yan i haggan. Unu biahi gi puengi gi hihot Islan Dåno’. Etokcha’ yu’ yan i gachong-hu siha gi halom tåsi. Hu li’e i haggan gi halom tåsi. Kulan mamaigo. Anggen makmata gui’, ha ñangu despåsio.
Mina’dos na biahi na hu ñangu yan i haggan, Etokcha’ yu’ gi i kanton tåsi Gab Gab gi Apra Harbor. Gof dångkolo i haggan este na biahi. Ma’a’ñao yu’. Hu chagi tattiyi gui’, lao esta ha ñangu para i sahagu.
Un biahi anggen pumeska yu’ yan i tata-hu yan i che’lu-hu gi Islan Dåno’ gi boti (trolling), hu li’e i haggan siha na tattitiyi ham. Kulan ninja sea turtles siha, sa’ chaddek i boti. Taimanu na gof chaddek i haggan? Hinasso-ku na despåsio i haggan yan chaddek i kunehu.
Hu yunga’ i haggan siha yan i låpes gi påpet.
